Ինչպե՞ս խնամել մաշկը աշնանը

Աշնանը անհրաժեշտ է ավելի շատ խոնավեցնել մաշկը, քանի որ ի տարբերություն ամռանը, աշնանը օդում խոնավությունը ավելի քիչ է։ Ավելի ցուրտ եղանակին, օդը դառնում է ավելի չոր, իսկ դրա հետ մեկտեղ մեր մաշկը ջրազրկվում է, ինչի արդյունքում էլ դառնում է զգայուն, չոր, գրգռված։

Ահա մի քանի կարևոր բան, որ պետք է իմանալ աշնանը մաշկը ճիշտ խնամելու համար՝

1. Գերզգայուն մաշկ ունեցողներին պետք է մաշկի խնամքում ավելացնեն Էլաստին, ալոե ու կոլագեն։
2. Ավելի խիտ տեքստուրայով խոնավեցնող կրեմ օգտագործեք։
3. Եթե դեռ չէիք օգտագործում աչքի շուրջ մաշկի և շուրթերի խնամքի միջոցներ, աշնանը դրանց կիրառումը հույժ կարևոր է Ձեր մաշկի համար։
4. Քչացրե՛ք ռետինոիդների և շերտազատող միջոցների կիրառումը։
5. Չնայած այլևս ամառ չէ, արևապաշտպան կրեմի կիրառումը այնուամենայնիվ շատ կարևոր է։ Այն պաշտպանում է մաշկը ուլտրամանուշակագույն ճառագայթներից, որոնք առկա են նաև աշնանը։
6. Տանը օդը խոնավեցնող սարք օգտագործե՛ք, որը կօգնի Ձեր մաշկին պաշտպանել խոնավությունը։

Ձեր հետ կկիսվենք նաև տան պայմաններում պատրաստվող դիմակով, որը շատ լավ կխոնավեցնի Ձեր մաշկը աշնանը։

• ¼ խնձոր
• 1 ձվի դեղնուց
• 1 թեյի գդալ մեղր
• 2-3 հատ մեծ խաղող
• 2 թեյի գդալ շոգեխաշած դդում

Վերոնշյալ բոլոր պրոդուկտները պետք է խառնել իրար բլենդերում, ապա քսել դեմքին և թողնել 20-30 րոպե։ Հետո լվացե՛ք գոլ ջրով։

Եթե հավանեցիր մեր խորհուրդները, կիսվի՛ր ընկերներիդ հետ ։)